پریس ریلیز
ممتا ز سینئر صحافی میاں صدیق صادق کی اہلیہ مختصر علالت کے بعد انتقال پا گئیں۔ نماز جنازہ میں ہر مکتبہ فکر کے سینکڑوں افراد کی شرکت ۔مرحومہ کی روح کو ایصال ثواب کیلئے رسم قل و قرآن خوانی آج ہو گی
جھنگ ( ):ممتا ز سینئر صحافی، قومی انگریزی روزنامہ کے سٹاف رپورٹر ، سابق صدر جھنگ یونین آف جرنلسٹس و پریس کلب جھنگ میاں صدیق صادق کی اہلیہ مختصر علالت کے بعد انتقال پا گئیں۔ مرحومہ کی نماز جنازہ بدھ کی صبح لولہے شاہ قبرستان جھنگ صدر کی جناز گاہ میں ادا کی گئی جس میں انتظامی افسران ، ارکان اسمبلی ،الیکٹرانک و پرنٹ میڈیا سے تعلق رکھنے والے صحافیوں ، آفیشل میڈیا کے نمائندگان ، محکمہ تعلقات عامہ کے حکام ، وکلاء ، علماء ، دانشوروں ، صنعتکاروں ، تاجروں ، اساتذہ اور سول سوسائٹی کے ہر مکتبہ فکر کے سینکڑوں افراد نے شرکت کی ۔بعد ازاں مرحومہ و مغفورہ کو اشکبار آنکھوں کے ساتھ ان کے آبائی قبرستان لولہے شاہ جھنگ میں سپرد خاک کردیا گیا۔ مرحومہ کی روح کو ایصال ثواب کیلئے رسم قل و قرآن خوانی آج جمعرات کی صبح 8بجے جامع مسجد تقویٰ محلہ سلطان والا جھنگ صدر میں ادا کی جائے گی۔ دریں اثناء ڈپٹی ڈائریکٹر محکمہ تعلقات عامہ جھنگ سرفراز اللہ خان ، چیئرمین پریس کلب لیاقت علی انجم،وائس چیئرمین صاحبزادہ ذاکر رحمن، سیکرٹری خرم سعید شیخ ، صدر جھنگ یونین آف جرنلسٹس منظور عابد کھرل ،جنرل سیکرٹری ریاض نول ،ممتاز پارلیمنٹیرین سیدہ عابدہ حسین ، ممبر قومی اسمبلی شیخ محمد اکرم ، ممبران صوبائی اسمبلی راشدہ یعقوب شیخ ، خالد محمودسرگانہ ، چوہدری خالد غنی ، نواب خرم خان سیال، جھنگ چیمبر آف کامرس اینڈ انڈسٹری کے صدر محمد عمر رامے ، ضلعی انجمن تاجران جھنگ کے صدر حاجی محمد علی ، جنرل سیکرٹری حاجی دلدار علی ، ریجنل یونین آف جرنلسٹس کے سینئر نائب صدر کلیم اللہ لودھی ، محلہ سلطان والا سے جنرل کونسلر کیلئے لیگی امیدوار ملک محمد فاروق اور دیگر اہم سیاسی ، دینی ، مذہبی شخصیات نے میاں صدیق صادق کی اہلیہ محترمہ کی ناگہانی وفات حسرت آیات پر گہرے دکھ ، دلی رنج و غم اور افسوس کااظہار کیاہے۔ انہوں نے دعا کی کہ اللہ تعالیٰ مرحومہ و مغفورہ کو جنت الفردوس کے حسین گوشوں میں جگہ سمیت ان کے پسماندگان کو یہ صدمہ جانکاہ ہمت و استقامت سے برداشت کرنے اور صبر جمیل کی توفیق عطافرمائے۔####
No comments:
Post a Comment